Qırmızı şərab sağlamdır: Ən məşhur miflər

Bəzi insanlar bir stəkan qırmızı şərabın sağlamlıq üçün faydalı ola biləcəyinə inanırlar.

Lent.az xarici KİV-ə istinadən xəbər verir ki, araşdırmalar qırmızı şərabı ölçülü şəkildə içməyin ürək xəstəliyi, 2-ci tip diabet və xərçəng riskini azalda biləcəyini, həmçinin ömrün uzadılmasına kömək etdiyini göstərib.

Bununla belə, Ümumdünya Səhiyyə Təşkilatı 2023-cü ilin yanvar ayında heç bir spirtli içki qəbulunun sağlamlığımız üçün təhlükəsiz olmadığını bəyan edib. Əslində, ÜST alkoqolu asbest, radiasiya və tütün də daxil olmaqla ən yüksək risk qrupuna yerləşdirib.

Bununla belə, qırmızı şərab hələ də ən sağlam içki kimi təqdim olunur. Mütəxəssislər qırmızı şərabın faydaları haqqında ən çox yayılmış mifləri dağıdıblar. Bir stəkan qırmızı şərab içməyin ürək sağlamlığına fayda verə biləcəyi fikri 1991-ci ildə Morley Saferin "Fransız paradoksu" haqqında danışdığı "60 Dəqiqə" seriyasına gedib çıxır. Həmin epizod yayımlandıqdan sonra qırmızı şərab satışları kəskin şəkildə artıb.

"Fransız paradoksu" termini elm adamları tərəfindən irəli sürülüb və fransızların yüksək yağlı qidalar yeyə, eləcə də qırmızı şərab içə bilməsi, hələ də amerikalılara nisbətən ürək-damar xəstəliklərinin daha az olması konsepsiyasına əsaslanır.