Acqarına qəhvə içmək nələrə səbəb olur?

Günə bir fincan qəhvə ilə başlamaq səhər şən və daha gümrah olmağa kömək edəcək. Amma qəhvəni acqarına içmək olmaz.

Lent.az xarici mətbuata istinadən xəbər verir ki, qəhvə, digər kofeinli içkilər kimi, sağlamlığınıza zərər verə bilər. Qəhvənin yeməklə birlikdə içilməməsi lazım olduğuna inanılır, çünki içki qida maddələrinin udulmasını pozur.

Ancaq acqarına qəhvə içənləri daha çox xoşagəlməz nəticələr gözləyir.

1. Birinci məqam stresslə bağlıdır. Əgər siz acqarına qəhvə içsəniz, orqanizm kortizol hormonu istehsal edərək reaksiya verəcək. Bu maddə bütün sağlamlıq problemlərinə səbəb olan stresli vəziyyətdən məsuldur.

2. Digər vacib məqam səhər yeməyi yeməməkdir. Bu vərdiş ürək problemləri və diabet kimi daha ciddi nəticələrə səbəb olur.

3. Acqarına içilən qəhvənin bağırsaq əzələlərinə təsir etdiyinə inanılır ki, bu da tualetə baş çəkmək istəyinin güclü olmasına səbəb olur.

4. Qəhvəni acqarına içsəniz, ürək bulanmasına səbəb ola biləcəyini də xatırlamalısınız.