Acı bibərin bilmədiyimiz FAYDALARI

Alimlər acı bibərin faydalı xüsusiyyətlərini aşkar ediblər.

Lent.az xarici mətbuata istinadən xəbər verir ki, mütəxəssislər acı bibərin ağrıları aradan qaldırmağa kömək edə biləcəyinə inanır və yerli ağrıları aradan qaldırmaq üçün dərman kimi istifadə olunur.

Bundan əlavə, çəki itirmək və ürək-damar xəstəliklərinin qarşısının alınmasında müsbət xüsusiyyətlərə malikdir. Acı bibərin mədə xorasının inkişafına kömək etdiyinə dair ümumi bir inanc var. Lakin bu həqiqətə uyğun deyil.

Acı bibərin tərkibində antioksidan və iltihab əleyhinə xüsusiyyətlərə malik olan kapsaisin adlı maddə var. Bu maddə revmatoid artrit, psoriaz, diabetik neyropatiya və postherpetik nevralji kimi xəstəliklərin müalicəsi üçün məlhəmlərdə istifadə olunur. Bəzi tədqiqatlar həmçinin göstərir ki, acı bibər ömrün uzamasına, ürək-damar xəstəliklərindən ölüm riskini azaltmağa və hətta arıqlamağa kömək edə bilər.

Bəzi elmi araşdırmalar göstərir ki, acı bibər mədədə xlorid turşusu istehsalını maneə törədir, xoraların qarşısını alır və sağaldır.