Yorğunluğunuzu azaldacaq 6 komediya serialı -VİDEO

Ağır gündən sonra insanın ürəyi çox vaxt gülməli, yüngül və terapiya effekti verən bir şeyə baxmaq istəyir. Bu seriallar isə ən yaxşı seçimdir.

Lent.az sizə əla yumoru və parlaq obrazları olan serialları təqdim edir.

“Ən Yaxşı Dünyada” (The Good Place)

Eleanor təsadüfən qəfil ölümündən sonra “ən yaxşı dünya”ya düşür. Anlayır ki, onu başqa biri ilə səhv salıblar və bu səbəbdən cənnətdə olmalı deyil. Qəhrəman hər vəchlə cənnətdə yerə layiq olduğunu sübut etməyə çalışır. Əlbəttə, bu zaman komik hadisələr baş verir.

“Bruklin 9-9” (Brooklyn Nine-Nine)

Amerika sitkomu Nyu-Yorkda yerləşən uydurma 99-cu polis bölməsinin gündəlik həyatından bəhs edir. Ciddi kapitan Reymond Holt, zarafatcıl detektiv Cek Peralta və dəqiq Əmi Santyaqo mürəkkəb işləri açmağa və şəxsi həyatlarını qaydaya salmağa çalışırlar.

“Derri Qızları” (Derry Girls)

İti zəka ilə yazılmış bu komediya serialının hadisələri 1990-cı illərin əvvəllərində Şimali İrlandiyada baş verir. Beş dost qız siyasi və sosial qarışıqlıqlar fonunda yeniyetməlik dövrünün çətinliklərini aşmağa çalışırlar.

“İki Yarım Kişi” (Two and a Half Men)

Əfsanəvi sitkom qadın düşkünü Çarlidən bəhs edir. O, məcbur qalaraq uğursuz evlilik keçirmiş qardaşı Alanı və onun oğlu Ceyki evinə qəbul edir. Bir evdə birgə yaşamaq cəhdləri zamanı onlar qeyri-adi və gülməli vəziyyətlərə düşürlər.

“Axmaq” (Fleabag)

Qəribə və kəskin yumorlu bu serial dərin kədərlə yaşayan bir qadından bəhs edir. Müasir London həyatına qərq olan dramaturq Fibi sağalmaq istəyir, lakin ona kömək etməyə çalışanları uzaqlaşdırır. O, macəralara atılır, dalaşır və faciəsini yaşaya-yaşaya enerjili vəziyyətlərə düşür.

“Bir Binada Qətllər” (Only Murders in the Building)

Möhtəşəm detektiv-komediya janrındakı bu serial tamamilə fərqli üç qonşunu bir araya gətirir. Onlar binada baş verən müəmmalı qətl hadisəsini araşdırmağa başlayır. Yeni tanış olan bu insanlar polis belə tapa bilmədiyi sirrləri bir-bir açaraq öz podkastlarını yaradırlar.