Millət vəkilinin anası vəfat etdi

“Son iki-üç ayda yatağa düşmüşdü. Xəstəlikləri çox idi, xəstəlik xəstəliyə qarışmışdı. Böyrəkləri işləmirdi, ayaqları tutulmuşdu. Gecə saat 3-də elə yemək verdiyim vaxt qollarımda keçindi”. Bu sözləri Lent.az-a açıqlamasında mərhum şairə Nurəngiz Günün qızı millət vəkili Jalə Əliyeva bildirib.

Millət vəkili dəfn mərasiminin sabah baş tutacağını da qeyd edib: “Bu gün hələ ki, evdəyik. Vida və dəfn mərasimi ilə bağlı Azərbaycan Yazıçılar Birliyindən cavab gözləyirik”.

***

10:37

Tanınmış şairə, millət vəkili Jalə Əliyevanın anası Nurəngiz Gün vəfat edib. Lent.az-ın xəbərinə görə, bu barədə modern.az-a məlumat yayıb. Millət vəkilinin anası bu gün səhər saatlarında vəfat edib.

Məlumata görə, dəfn mərasimi sabah baş tutacaq.

Nurəngiz Gün 1938-ci ildə Bakı şəhərində anadan olub. Orta məktəbi bitirdikdən sonra 1 saylı Bakı Tibb Məktəbində, sonra isə ADİU-da təhsilini davam etdirib. Oxucularla ilk görüşə "Ulduz" jurnalında dərc edilən "Tanrı" (1981) povesti ilə gəlib.

Allah rəhmət eləsin!