Dünya Karikatura Saytları Federasiyası ilk toplantısını keçirib

O, bu dəfə rəssam kimi yox, münsiflər heyətinin üzvü olaraq müsabiqədə iştirak edib.

Seyran Cəfərli Lent.az-a bildirib ki, müsabiqə çərçivəsində bir neçə aydır yaradılan Dünya Karikatura Saytları Federasiyasının (FICWS) İdarə Heyətinin ilk toplantısı da keçirilib. Toplantıya İdarə Heyətinin 4 üzvü - Azərbaycandan Seyran Cəfərli, Çindən Vang Liuyi, Almaniyadan Erdoğan Karayel, Braziliyadan Marsio Leite qatılıb. İrandan MassoUD Şojai Tabatabai isə Braziliyada səfərdə olduğundan toplantıya gələ bilməyib.

S. Cəfərlinin sözlərinə görə, ilk toplantı federasiyanın görəcəyi işlərə, gələcək perspektivə həsr olunub. Yaxın zamanlarda bir neçə beynəlxalq müsabiqə və sərgilərin təşkili qərara alınıb. Bundan başqa toplantıda iştirak edən 4 karikaturaçının qərarı ilə federasiyanın İdarə Heyətinin Suriyadan olan üzvü Raed Xəlil üzvlükdən çıxardılıb: “Bu federasiya məhz 6 üzv tərəfindən yaradılıb. Lakin Suriyadan olan karikaturaçı bu aylar ərzində bizim heç bir sorğumuza cavab verməyib, federasiyanın işində olduqca passiv mövqedə durub. Məhz bu səbəbdən toplantı zamanı onun üzvlükdən uzaqlaşdırılması qərarını verdik”.

Karikaturaçımız onu da vurğulayıb ki, ilk iclasda federasiyanın maliyyə məsələləri də öz həllini tapıb.

Qeyd edək ki, iyun ayında təsis edilən Dünya Karikatura Saytları Federasiyasının (FICWS) yaradılmasında məqsəd dünyadakı karikatura saytlarını birləşdirmək, bu sahədəki problemləri qaldırmaq, karikaturaçıları daha çevik məlumatlandırmaqdır.

Xəyalə Muradlı