Bal ilə süd uşaqlıqdan tanınan, sakitləşdirici və “müalicəvi” təsirə malik olduğu düşünülən məşhur bir içkidir. Bu içki enerji verir və toxluq hissi yaradır, lakin təkbaşına soyuqdəyməni müalicə etmir və immuniteti gücləndirmir.
Lent.az bu qarışım ilə bağlı maraqlı faktları təqdim edir:
Yuxuya kömək edir
Yuxusuzluğa qarşı ən məşhur ev üsullarından biri bal ilə süddür. Həm bal, həm də süd triptofan adlı amin turşusunu ehtiva edir. Triptofan orqanizmdə serotonin və melatonin hormonlarının ifrazına kömək edir. Bu hormonlar sakitləşdirici təsir göstərir və bədənə yuxu vaxtının gəldiyini “bildirir”.
Bal və süd bağırsaq mikrobiomuna da müsbət təsir göstərə bilər. Bu isə keyfiyyətli yuxunu və ümumi sağlamlığı dəstəkləyir. Onların tərkibində faydalı bağırsaq bakteriyalarının inkişafını stimullaşdıran prebiotiklər və bağırsaqlarda təbii olaraq mövcud olan canlı faydalı bakteriyalar probiotiklər var.
Sümükləri möhkəmləndirir
Kalsium və D vitamini güclü sümüklərlə sıx bağlıdır və süd bu maddələrin əsas mənbələrindən biri hesab olunur.
Kalsium - qida vasitəsilə qəbul edilməli olan mineraldır. Orqanizmdə kalsium çatışmadıqda, bədən onu sümüklərdən götürür ki, bu da onların zəifləməsinə səbəb ola bilər.
D vitamini - bir çox vacib orqanizm funksiyaları üçün lazımdır və xüsusilə kalsiumun mənimsənilməsinə və saxlanılmasına kömək edir. Süd D vitamini ilə zənginləşdirilmiş məhsuldur, yəni bu vitamin ona sonradan əlavə olunur. Balın tərkibindəki antioksidant və iltihab əleyhinə mikroelementlər osteoporoz riskini azaltmağa və ya xəstəliyin inkişafını ləngitməyə kömək edə bilər.
Ürək sağlamlığı üçün faydası
American Heart Association (AHA) ürək üçün sağlam qidalanmanın bir hissəsi olaraq gündə iki–üç porsiya yağsız və ya az yağlı süd məhsullarının qəbulunu tövsiyə edir. Araşdırmalar göstərib ki, tam yağlı süd ürək sağlamlığı üçün mütləq zərərli deyil. O, faydalı xolesterinin səviyyəsini artırmağa kömək edə bilər və yüksək qan təzyiqi ilə əlaqələndirilmir.
Əlavə şəkər miqdarı
Balın tərkibindəki şəkərlər əsasən qlükoza və fruktozadan ibarətdir. Əlavə şəkərin miqdarı gündəlik kalori normasının 6 faizindən çox olmamalıdır ki, bu da təxminən 2 xörək qaşığı bala bərabərdir.
Həzm problemləri
Laktoza dözümsüzlüyü olan insanlarda süd ürəkbulanma, ishal və ya qarında köp kimi əlamətlər yarada bilər. Süd məhsulları ilə bağlı çətinliklər olduqda, laktozasız süd seçmək olar. Belə süd bal ilə birlikdə qəbul edildikdə də sağlamlıq üçün faydalı xüsusiyyətlərini qoruyur.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
