Hörümçək sancmaları gündəlik həyatda göründüyündən daha tez-tez baş verir. Xüsusilə qarajlarda, zirzəmilərdə, çardaqlarda və ya bağda işləyərkən. Çox vaxt reaksiya qızartı və qaşınma ilə məhdudlaşır.
Lent.az-ın xarici KİV-ə istinadla məlumatına görə, lakin qara dul və qəhvəyi tənha hörümçək kimi növlərin sancmaları ciddi əlamətlərə səbəb ola bilər və dərhal həkim müayinəsi tələb edir.
Sancmanın ilk əlamətləri
Hörümçək sancmasının ilk görünən əlaməti dəri dəyişiklikləridir:
qızartı,
şişkinlik,
sancma yerində narahatlıq.
Qəhvəyi tənha hörümçəyin sancması zamanla qabarcıq və ya tünd rəngli bir mərkəz yarada bilər, ağrı bir neçə saat ərzində artmağa meyllidir. Qara dulun sancması isə əvvəlcə hiss olunmaya bilər, lakin qısa müddət sonra güclü əzələ spazmları, ürəkbulanma, zəiflik və tərləmə kimi əlamətlərortaya çıxa bilər.
İlk yardım necə olmalıdır?
Sancma zamanı ilkin yardım aşağıdakı addımları əhatə edir:
Yaranı sabun və su ilə yumaq. Bu, infeksiya riskini azaldır.
Soyuq kompres qoymaq. Şişkinlik və ağrını azaltmağa kömək edir.
Əlamətləri izləmək. Temperaturun yüksəlməsi, artan qızartı və ya irin infeksiya əlaməti ola bilər.
Stolbnyak peyvəndinin aktual olub-olmadığını yoxlamaq. Bu xüsusilə uşaqlar üçün vacibdir.
Həkimə nə vaxt təcili müraciət etmək lazımdır?
Aşağıdakı hallarda dərhal tibbi yardım tələb olunur:
Zəhərli hörümçəkdən şübhəli sancma
Güclü və artan ağrı
Əzələ spazmları və ya tutmalar
Ümumi vəziyyətin qəfil pisləşməsi
Allergik reaksiyanın əlamətləri:
üz və dildə şişkinlik
nəfəs almaqda çətinlik
xırıltılı tənəffüs
Həkimlər bildirirlər ki, tez reaksiya vermək ağır fəsadların qarşısını almaqda həlledici rol oynayır, xüsusən də uşaqlar, yaşlılar və xroniki xəstəliyi olan insanlar üçün.
Sancmaların qarşısını almaq üçün necə davranmalı?
Hörümçək sancması riskini azaltmaq üçün sadə profilaktik tədbirlər kifayətdir:
Zirzəmi, qaraj və hörümçək toru olan yerləri mütəmadi təmizləmək
Həyətdə və ya ağac materialları ilə işləyərkən əlcək və örtülü geyim geyinmək
Uzun müddət saxlanılmış ayaqqabı və əlcəkləri istifadə etməzdən əvvəl yaxşıca çırpmaq
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
