Nümeroloqlar, astrologlar və ruhani praktika üzrə ekspertlər dörd xüsusi doğum tarixinin daha güclü mənəvi müdafiə ilə əhatələndiyini bildiriblər. Onların sözlərinə görə, bu tarixlərdə doğulan insanlar bəzən özləri belə dərk etmədən yüksək intuisiya, fədakarlıq və inancla seçilir. Onların həyat axarına təslim olma qabiliyyəti, lazım olduqda ilahi müdaxiləyə daha həssas olmalarına imkan yaradır. Ümid və ruhani bağlılıq isə görünməyən aləmlərdən hikmət almağa şərait yaradır.
Lent.az ən güclü mənəvi qorunmaya sahib hesab edilən dörd doğum tarixi barədə xəbər verir.
18-də doğulanlar: Döyüşkən ruh
18-də doğulanlar güclü və döyüşkən xarakterləri ilə tanınır. Bu tarix Marsın, özünümüdafiə instinkti və cəsarətlə əlaqəli planetin təsiri altındadır. Onlar gücləndirilmiş intuisiya və enerjiləri hiss etmək qabiliyyəti ilə seçilirlər.
Bunun sayəsində ətraflarında sanki görünməz bir qoruyucu qalxan yarada bilirlər. Odabənzər daxili enerjiləri onları ilahi işarələr, intuisiya və bələdçi ruhların mesajları vasitəsilə doğru istiqamətə yönləndirir.
21-də doğulanlar: Saf işıq
21-də doğulanların aurası genişlənən, parlaq işıq kimi təsvir olunur. Onların şən xarakteri, yumor hissi və yüngül enerjisi mənəvi müdrikliklərinin açarıdır. Hərçənd bəzən yüngülxasiyyət görünə bilirlər, intuisiya dərinlikləri güclüdür.
Onların yüksək vibrasiyası neqativ enerjinin onlara təsir etməsinin qarşısını alır. Onlar daxili işıqları ilə həm öz yollarını, həm də başqalarının yolunu işıqlandırırlar.
26-da doğulanlar: Əcdadlarla güçlü bağ
26-cı tarixin idarəçisi Sətturn, karmanın, məsuliyyətin və nizamın planetidir. Bu tarixdə doğulan insanlar uzunmüddətli məqsədlərə fokuslanmağı bacarır və heç nə onların diqqətini yayındıra bilmir. Bu qətiyyət onlara güclü mühafizə divarı yaradır.
Onlar əcdadları ilə xüsusi bağlılığa malik olur, tez-tez nəsil lənətlərini qırmağa və ya irsi istedadları ortaya çıxarmağa can atırlar. Ruhani irslə əlaqələri çox güclüdür.
28-də doğulanlar: Maqnetik özünəinam
28-də doğulanlar Günəşin təsiri altında parlaq, özgüvənli və ifadəli şəxsiyyətə sahibdirlər. Onların enerjisi maqnetik olub, müsbəti özlərinə çəkir və çətinliklərin öhdəsindən gəlməyə kömək edir.
Bu insanlar nadir hallarda uzunmüddətli neqativ təsirlə üzləşirlər, çünki güclü ruhani qorunmaya və öz güclərinə sarsılmaz inama sahibdirlər. Özünəinam səviyyələri yüksək olduğu üçün qarşılarına qoyduqları istənilən məqsədə çata bilirlər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
