Quru fırça masajı dərini hamarlaşdırmağa və sellülitdən qurtulmağa kömək edə bilər.
Lent.az xarici mediaya istinadla bildirir ki, quru fırça masajı bədəni su və yağlar istifadə edilmədən, təbii və ya sintetik tüklü xüsusi bir fırça ilə masaj etdikləri kosmetik və sağlamlaşdırıcı prosedurdur.
Əsas məqsədlər və təsirlər
Qan dövranının yaxşılaşması intensiv fırça hərəkətləri qan və limfa damarlarını stimullaşdırır, bu isə toksinlərin çıxmasına və şişkinliyin azalmasına kömək edə bilər. Dərinin pilinqi ölü hüceyrələri təmizləyir, dərini daha hamar və parlaq edir. Sellülitin azalması müntəzəm masaj dərinin tonusunu yaxşılaşdıra və nahamarlıqları bir qədər azalda bilər.
Masaj quru dəridə edilir, adətən duşdan əvvəl.
Hərəkətlər ətraflardan ürəyə doğru olmalıdır (ayaqlardan və qollardan bədənə tərəf). Fırçanın təzyiqi orta səviyyədə olmalıdır ki, dəri zədələnməsin. Prosedurdan sonra duş qəbul etmək və nəmləndirici krem çəkmək tövsiyə olunur.
Hər gün etmək təhlükəsizdirmi?
Əgər dəriniz sağlamdır və tibbi məhdudiyyətlər yoxdursa, quru fırça masajını hər gün etmək mümkündür. Başlamaq üçün hər bədən hissəsinə 1-2 dəqiqə kifayətdir, sonra 5-10 dəqiqəyə qədər artırıla bilər. Dərini qıcıqlandırmamaq üçün çox güclü basmaq olmaz.
Çox güclü təzyiq dəridə mikrozədələnmələr yarada və infeksiyaya səbəb ola bilər. Ən yaxşısı hər prosedur arasında bir-iki gün fasilə verməkdir. Həmçinin infeksiya riskinin qarşısını almaq üçün fırçanı mütəmadi təmizləmək lazımdır.
Kimlərə quru masaj etmək olmaz
Amerika Dermatologiya Assosiasiyası bildirir ki, bəzi insanlarda quru fırça masajı dəridə rəng dəyişikliklərinə və depiqmentasiyaya səbəb ola bilər. Belə bir hal görsəniz, dermatoloqa müraciət edin. Psoriaz kimi müəyyən dəri xəstəlikləri olan insanlara quru fırça masajı ümumiyyətlə olmaz. Çünki prosedur psoriazın gedişatını ağırlaşdıra və fırça ilə zədələnmiş sahələrdə yeni ocaqlar yarada bilər.
Bu hallarda quru masajdan qəti şəkildə çəkinmək lazımdır
hər cür dəri xəstəlikləri
şəkərli diabet
nevroloji pozğunluqlar
infeksiyalar
akne
follikulit
səpgilər
açıq yaralar
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
