İlon Maskın elə şəkilləri HƏRRACA çıxarıldı ki... - FOTO

"Tesla" və "SpaceX"in qurucusu İlon Maskın keçmiş sevgilisi Cennifer Qvinn onun fotolarını hrraca çıxarıb.

Lent.az xarici KİV-ə istinadən xəbər verir ki, fotolar milyarderin tələbəlik illərinə aiddir.

1990-cı illərdə tanış olduğu keçmiş sevgilisi Cennifer Qvinn bunu övladlığa götürdüyü oğlunun təhsil haqqını ödəmək üçün edib.

Şəkillərin qiyməti 100 dollardan başlayır.

Hərraca qoyulan fotolar maraq doğurub.

Qvinn və Elon Musk Pensilvaniya Universitetində birlikdə oxuyarkən tanış olublar. Bir il davam edən romantikaları zamanı o, anası, model Mey Mask, qardaş və bacıları ilə tanış olub, həmçinin onun elektrik avtomobilləri ilə bağlı planları haqqında hər şeyi öyrənə bilib.

"1994-cü ilin payızında eyni yataqxanada yaşayanda tanış olduq. Əvvəlcə onun utancaq təbiəti məni cəlb etdi. O, dərslərinə çox diqqət yetirirdi və hətta bundan sonra da hər zaman elektrik avtomobilləri haqqında danışırdı. Onun böyük planları var idi", deyə Qvinn bildirib.

Cennifer ona çox aşiq olduğunu da etiraf edib:

"Telefonla danışmaq ona görə vaxt itkisi idi. Çətin idi, 20 yaşlı bir qızın eşitmək istədiyi heç də bu deyildi. Mən ona aşiq idim".