Kəmalə Rəhimli: “On yeddi ildir şəkər xəstəsiyəm”

Ötən ay 1 saylı xəstəxananın kardiologiya şöbəsinə yerləşdirilən əməkdar artist Kəmalə Rəhimli müalicəsini evdə davam etdirir. Xəstəxanadan yenicə çıxan müğənni Lent.az-a sağlamlıq durumunun qənaətbəxş olduğunu söyləyib: “On yeddi ildir ki, şəkər xəstəsiyəm. Bu xəstəlikdən ürəyimdə, gözlərimdə və ümumilikdə bədənimdə fəsadlar yarandı. Ömrümün elə bir çağındayam ki, özümə, səhhətimə diqqət etməliyəm. Axı yaş o yaş deyil. Müalicəmsə davam edir. Xəstəxanada olduğum müddətdə mənə çox zənglər gəldi. Mənə görə narahat olan və məni ziyarət edən həmkarlarıma da minnətdarlığımı bildirirəm”.