Gülyaz Məmmədova Şabrana mahnı həsr etdi

Əməkdar artist Gülyaz Məmmədova yaradıcılıq işlərindən söz açıb. İfaçı Lent.az-a yeni mahnısına klip çəkdirdiyini deyib: “Artıq bir neçə gün olar ki, Şabran rayonuna həsr olunmuş “Şabran” adlı mahnının klip çəkilişlərini başa vurmuşuq. Sözləri Novruz Novruza, musiqisi Tahir Əkbərə məxsus olan mahnının ekran işi həmin şəhərin ən qədim məkanlarında lentə alındı. Çəkilişlərdə mən milli libasda idim. Klipin tam versiyası isə bir neçə gün sonra “Youtube” kanalında dinləyicilərin ixtiyarına veriləcək”.