İlhamə Quliyevanın xeyriyyə fondu yaradılır

Mərhum xalq artisti İlhamə Quliyevanın xeyriyyə fondu yaradılır. Bu barədə Lent.az-a mərhum müğənninin dayısı oğlu Eldar İsmayılov məlumat verib. O, bildirib ki, yeni yaradıclacaq fondda İ.Quliyevanın bir neçə arzusu gerçəkləşdiriləcək: “İlhamə Quliyevanın xeyriyyə fondunun yaradılması üçün bütün işlər həll olunub. Rəsmi müraciətimiz müsbət qarşılanıb. Bildiyiniz kimi, İlhamə xanım şou-biznesdə olan bir çox müğənnilərin tanınmasına, onların efirlərə çıxmasına yardımçı olub. Elə bu səbəbdən də yeni yaradılacaq fond incəsənət sahəsində istedadı olub, lakin tanınmaq üçün imkanı olmayan gənclərə yadımçı olacaq”.