“Daily Mail” və “Mail on Sunday” qəzetlərinin naşirlərinə qarşı şəxsi həyatın toxunulmazlığının pozulması ittihamı ilə çıxış edib.
Lent.az xarici mediaya istinadla xbər verir ki, cütlük, şahzadə Harri, Elizabet Herli və baronessa Dorin Lourens ilə birlikdə qanunsuz məlumat toplama nəticəsində yarandığını iddia etdikləri nəşrlərə görə ədalət tələb edirlər.
Məhkəməyə təqdim etdiyi sənəddə Ferniş qəzetin uzun və ağrılı tarixini xatırlayıb: "Qəzet dövrün tələblərinə uyğunlaşsa da, kim olduğumuzu və necə yaşadığımızı açıq şəkildə sarsıtmağa yönəlmiş saysız-hesabsız mühakiməedici və dar düşüncəli məqalələr dərc edib".
Misal olaraq, Ferniş, 2010-cu ilin dekabr ayında “Daily Mail” qəzetinin oğullarının doğum haqqında şəhadətnaməsinin valideynlərə çatmamış dərc etdiyi bir məqaləyə istinad edib.
"Dünya körpəmizin olacağından xəbərsiz idi. Doğuşa qədər baş verən hər şey hərbi əməliyyat kimi hiss olunurdu. Qəzet bizdən əvvəl sənədə çıxış əldə edə bilirdi - bu, dəhşətli, şəxsi həyata müdaxilə idi. Biz düşünürdük ki, "Əgər onlar bunu əldə edə bilirlərsə, başqa nə edə bilərlər?"
2015-ci ilin avqust ayındakı məqalədə təsvir edilən başqa bir hadisə təcili yardım çağırışı ilə bağlıdır. "Mən heç vaxt Eltonun o vaxtkı qədər ağrı çəkən birini görməmişəm. Və hər şey tamamilə məxfi idi - məlumat ictimaiyyət üçün nəzərdə tutulmamışdı", - Ferniş qeyd edib.
O vaxt cütlük sızmanın xəstəxananın özündə və ya təcili yardım maşınında baş verdiyinə inanırdılar, lakin heç kim dəqiq mənbəni bilmirdi.
Ferniş qeyri-müəyyənliklə yaşamağın onlar üçün nə qədər çətin olduğunu vurğulayıb. "Elton və mən, xüsusən də Eltonun tibbi məlumatları ilə bağlı neçə dəfə təqib olunduğumuzu bilməməyimizdən çox incidik. Hələ də bizə əslində nə edildiyini anlamırıq".
Associated Newspapers Limited (ANL) iddiaları qəti şəkildə rədd edir. Şirkətin vəkilləri bildiriblər ki, Ferniş və Eltonun iddiaları "heç bir dəlil ilə dəstəklənmir və tamamilə əsassızdır".
Məhkəmə prosesi davam edir və 2026-cı ilin mart ayında başa çatması gözlənilir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
