Ülvi Qılınc: “Zülfiyyə Xanbabayeva ilə aramızı vuran kafirdir, cindir”

Xalq artisti Zülfiyyə Xanbabayeva və Ülvi Qılınc arasında yaranan narazılığın səbəbi yox, səbəbkarı var imiş. Bu barədə məxsusi açıqlamanı Ülvi Qılınc Lent.az-a verib: “Bizim aramızda baş verənlərə heç soyuq müharibə də demək olmaz. Bütün bu söz-söhbətləri yaradan insan Xanbabayevanın ətrafında olan və özünü ona dost göstərən insanlardan biri idi”.

Ü.Qılınc həmin insanın kimliyini açıqlamağı özünə sığışdırmadı: “Adını açıqlamaq istəmirəm. Əgər Zülfiyyə Xanbabayevanın özünə maraqlı olsa, nələr dediyini deyə bilərəm. Yanlış anlaşılmasın deyə, bildirim ki, o adam kişi cinsinin nümayəndəsidir”.

Solist barışıq anını danışıb: “Üz-üzə gələndə çox səmimi salamlaşdıq, görüşdük. Kin saxlamayan insanlar yaxşı insanlardır. Zülfiyyə xanım kin saxlamır. Mənim əlavə sözə ehtiyacım olmadı. Dedi, mən bilirəm aramızı kimlər vurub. Özünü dost kim göstərənlərdir”.

Qılınc həmin şəxsi “kafir”, “cin” adlandırıb: “Haqqımızda o sözü gəzdirən heç də yaxşı insan deyil. Yenə deyirəm, aramızı vuran vurub. Mən o insanı bu gün kafir, cin adlandırıram. Zülfiyyə xanıma təkcə onu dedim ki, bizim aramıza şeytanlar girir. O da mənə “onu da bilirəm”, - dedi”.

Lalə Yusifqızı