Mersin vilayətinin Tarsus rayonunda silahlı hücum təşkil edən şübhəli indiyə qədər müxtəlif yerlərdə 4 nəfəri öldürüb, 8 nəfəri isə yaralayıb.
Lent.az-ın Türkiyə KİV-nə istinadən xəbərinə görə, hadisə günorta saatlarında Kadelli məhəlləsinin Dörtler bölgəsində baş verib. Sabri və Samet Pan qardaşları ilə düşmənçilik edən Metin Ö. idarə etdikləri restoranda ov tüfəngi ilə atəş açıb. Güllələr Sabri Pan, Ahmet Ercan Can, Mehmet T. və bir neçə müştəriyə dəyib. Metin Ö. hadisə yerindən qaçıb və hadisə yerinə tibbi və polis qrupları göndərilib.
Gələn tibb işçilər Sabri Panın öldüyünü müəyyən edib. Yaralılar təcili yardımla yaxınlıqdakı xəstəxanalara aparılıb.
Müalicə üçün aparılan Ahmet Ercan Can həkimlərin səylərinə baxmayaraq xilas edilə bilməyib.
Maşınla qaçan təcavüzkar, Kaburgediği məhəlləsində heyvan otaran gənc oğlan Yusuf Oktay və Yenimahalle rayonundakı evinin yaxınlığında yük maşını sürücüsü Abdullah Kocanı da öldürüb.
Şübhəli həmçinin marşrutu boyunca səkkiz nəfəri yaralayıb. Məlumatdan sonra hadisə yerinə çoxsaylı jandarma və tibbi briqadalar göndərilib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
