Noyabrın 16-da Kiyevdə məhkəmə binası yaxınlığında güllələnən kriminal avtoritet İrakli Malaniya ayın 25-də gecə xəstəxanada dünyasını dəyişib.
Lent.az-ın Ukrayna mediasına istinadla məlumatına görə, təcavüzkarlar ona 10 güllə vurublar. O, 10 gün komada olub.
İrakli Malaniya vəkili ilə birlikdə məhkəməyə gəlib.
Hüquq-mühafizə orqanlarının əməkdaşlarının bildirdiyinə görə, məhkəmədə quldurluq işinə baxılmalı idi.
Məlumata görə, məhkəməni mühafizə edənlər atəş səsi eşitdiklərini eşitdikdən sonra küçəyə qaçaraq zərərçəkmişə ilkin tibbi yardım göstərib, təcili tibbi yardım və polis çağırıblar.
Kriminal avtoritetə hərəkətdə olan maşından atəş açıldığı bildirilir.
42 yaşlı gürcüstanlı İrakli Malaniya əvvəllər quldurluğa görə məhkumluq həyatı yaşayıb.
Onun Gürcüstanın keçmiş prezidenti Mixail Saakaşviliyə yaxın münasibətlərinin olduğu da iddia edilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
