İtkin düşən kişinin  MEYİTİ TAPILDI:   öldürüb basdırdı
04 oktyabr 2022 10:59 (UTC +04:00)

İtkin düşən kişinin MEYİTİ TAPILDI: öldürüb basdırdı

Sumqayıtda qətl hadisəsi olub.

Şəhər Prokurorluğundan Lent.az-a verilən xəbərə görə, sentyabrın 14-ü Sumqayıt şəhər Polis İdarəsinə 81 yaşlı Nadir Rzayevin itkin düşməsi ilə bağlı daxil olmuş müraciət əsasında aparılmış istintaq-əməliyyat tədbirləri ilə sonuncunun qəsdən öldürülməsi müəyyən olunub.

Faktla bağlı Sumqayıt şəhər prokurorluğunda Cinayət Məcəlləsinin 120.1-ci maddəsi ilə cinayət işi başlanıb.

İstintaqla zərərçəkmişin tanışı 45 yaşlı Samir Abbasovun şəxsi münasibətlər zəminində aralarında yaranmış mübahisə zamanı Nadir Rzayevi boğaraq öldürməsinə əsaslı şübhələr müəyyən edilib.

Samir Abbasov şübhəli şəxs qismində tutularaq istintaqa cəlb edilib.

İş üzrə istintaq davam edir.

Daxili İşlər Nazirliyindən Lent.az-a verilən məlumata görə isə Sumqayıt şəhər Polis İdarəsinin 1-ci Polis Bölməsinə cari il avqustun 14-də 81 yaşlı Nadir Rzayevin Sumqayıt şəhərində yaşadığı evdən çıxaraq bir daha geri qayıtmaması barədə müraciət daxil olub.

Polis əməkdaşları tərəfindən onun yerinin müəyyən olunub tapılması istiqamətində zəruri əməliyyat-axtarış tədbirlərinə başlanılıb. 

Oktyabrın 3-də saat 19 radələrində N.Rzayevin üzərində zorakılıq əlamətləri olan meyitinin evinin həyətində basdırılmış vəziyyətdə tapılması ilə əlaqədar şəhərin polis və prokurorluq orqanlarının əməkdaşları tərəfindən müvafiq tədbirlər keçirilib. İstintaq-əməliyyat tədbirləri ilə Sumqayıt şəhər sakini, əvvəllər məhkum olunmuş Samir Abbasovun N.Rzayevi qəsdən öldürməsinə əsaslı şübhələr müəyyən olunub.  

S.Abbasov polis əməkdaşları tərəfindən tutularaq istintaqa təhvil verilib. 

Faktla əlaqədar Cinayət Məcəlləsinin 120-ci (qəsdən adam öldürmə) maddəsi ilə cinayət işi başlanılıb.

# 4272
avatar

Oxşar yazılar

Azərbaycanda ər arvadına o qədər bıçaq vurdu ki, öldü

Azərbaycanda ər arvadına o qədər bıçaq vurdu ki, öldü

7 dekabr 2022 , 16:29
Axtarışda olan 87 nəfər  tutuldu

Axtarışda olan 87 nəfər tutuldu

7 dekabr 2022 , 10:40
Azərbaycanda kişi arvadını tövlədə  BALTALADI   - YENİLƏNİB

Azərbaycanda kişi arvadını tövlədə BALTALADI - YENİLƏNİB

6 dekabr 2022 , 21:37
Üç qəzada  4 nəfər öldü

Üç qəzada 4 nəfər öldü

6 dekabr 2022 , 12:34
Narkotikə pul tapmadı,  DOSTUNU ÖLDÜRDÜ:  meyitini...

Narkotikə pul tapmadı, DOSTUNU ÖLDÜRDÜ: meyitini...

5 dekabr 2022 , 20:15
Bakıda narkotiklərin əsas tədarükçüsü tutuldu:  POLİSDƏN ƏMƏLİYYAT

Bakıda narkotiklərin əsas tədarükçüsü tutuldu: POLİSDƏN ƏMƏLİYYAT

5 dekabr 2022 , 14:44
Rayonda  ƏMƏLİYYAT  : Bakı və Masallı sakinləri tutuldular

Rayonda ƏMƏLİYYAT : Bakı və Masallı sakinləri tutuldular

5 dekabr 2022 , 13:59
Yollarda daha  5 nəfər öldü

Yollarda daha 5 nəfər öldü

5 dekabr 2022 , 10:38