Gürcüstan Daxili İşlər Nazirliyi "oğru dünyası" ilə əlaqəli 49 şəxsi saxlayıb və beş "qanuni oğru" da daxil olmaqla 14 nəfəri qiyabi olaraq məsuliyyətə cəlb edib.
Lent.az-ın Gürcüstan mediasına istinadla məlumatına görə, bu barədə daxili işlər nazirinin müavini Aleksandr Daraxvelidze brifinqdə bildirib.
Daraxvelidzenin sözlərinə görə, onlar "oğru dünyasına üzvlük", "oğru iclasında iştirak", "oğru dünyasının fəaliyyətinə dəstək" və "oğru dünyasının üzvü ilə əlaqə saxlamaq"da ittiham olunurlar. Həbs olunanların əksəriyyəti əvvəllər müxtəlif ağır və xüsusilə ağır cinayətlərdə məhkum olunub.
Onun sözlərinə görə, hüquq-mühafizə orqanları tərəfindən son bir neçə ay ərzində aparılan gizli istintaq tədbirləri nəticəsində əldə edilən sübutlar təqsirləndirilən şəxslərin xaricdə yerləşən "qanuni oğrular" adlanan qurumlarla əlaqədə olduqlarını, onların əmrlərini yerinə yetirdiklərini və "oğrular"ın gizli aləminin fəaliyyətində fəal iştirak etdiklərini müəyyən edib.
Həmçinin müəyyən edilib ki, təqsirləndirilən şəxslərin və mübahisə edən tərəflərin iştirakı ilə Gürcüstanda və xaricdə müxtəlif vaxtlarda "oğruların "razborkası" təşkil edilib və bu proseslərdə xaricdə yerləşən "qanuni oğrular" da iştirak ediblər.
Onun sözlərinə görə, polis təqsirləndirilən şəxslərin evlərində və şəxsi axtarışlar nəticəsində bir-biri ilə və xaricdəki "qanuni oğrular"la əlaqə saxlamaq üçün istifadə edilən kompüter avadanlıqlarını və mobil telefonları sübut kimi müsadirə edib. Axtarışlar zamanı odlu silahlar da müsadirə edilib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
