ABŞ-ın Minnesota ştatındakı uşaq bağçasında dayə körpəni ilk yaşının tamamına beş gün qalmış boğaraq öldürüb.
Lent.az xarici mediaya istinadən xəbər verir ki, hadisə 22 sentyabr 2025-ci ildə qeydə alınıb. Hüquq-mühafizə orqanları 18 yaşlı Tea Rasselin zəngindən sonra müəssisəyə gəlib. O, telefonla 11 aylıq Narvi Maklbastın qəfil nəfəs almadığını bildirib. Uşağı reanimasiya etməyə çalışsalar da, bu mümkün olmayıb.
Üç ay davam edən araşdırma zamanı hüquq-mühafizə orqanları müəyyən edib ki, oğlanın ölümündən əvvəl də həmin uşaq bağçasında oxşar hadisələr olub. Bundan üç gün əvvəl polis həmin ünvan üzrə yenə çağırış alıb, çünki tərbiyə olunan uşaqlardan birində nəfəs alma problemi və ağızdan qan gəlməsi müşahidə olunub.
Zərərçəkmiş uşağın vəziyyətini stabilləşdirmək mümkün olub. Hadisə zorakılıqla bağlı olmayan hal kimi qiymətləndirilib.
İstintaqçılar şübhəni son bir neçə gün ərzində uşaqlarla təmasda olan dayənin üzərinə yönəldiblər. Məlum olub ki, qız ən azı üç halda uşaqları boğmağa çalışıb və bunu özünə diqqət çəkmək məqsədilə edib. Polisin dəqiqləşdirdiyinə görə, üçüncü hadisə oğlan uşağının ölümü ilə nəticələnib.
Dayə Tea Rassel yanvarın 13-də həbs olunub və ona ikinci dərəcəli qətl, eləcə də bir neçə ağır hücum epizodu üzrə ittiham irəli sürülüb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
