Ağ müşk notlarına malik ətirlər populyarlığını qoruyub saxlayır. Müşk tərkibli ətirlər mövsümdən və moda tendensiyalarından asılı olmayaraq universal seçim hesab edilir.
Lent.az xəbər verir ki, payız mövsümündə xüsusilə isti, zərif və rahatlıq hissi yaradan ətirlərə üstünlük verilir. Ağ müşk notları təmiz dəri, təzə yuyulmuş paltar və yumşaq pambıq qoxusunu xatırladır. Belə ətirlər sərin payız havası, isti sviterlər və çoxqatlı geyimlərlə mükəmməl uyğunlaşır.
Ətir sənayesində müşkün tarixi əsrlərə dayanır. Əvvəllər müşk heyvan mənşəli xammaldan əldə edilirdi. Sonralar ətriyyatçılar sintetik alternativlərdən istifadə etməyə başlayıblar. İlk sintetik müşk birləşmələrindən biri 1888-ci ildə Albert Baur tərəfindən patentləşdirilən Baur müşkü olub. A
ğ müşk zərif, rahatlıq verən və eyni zamanda cəlbedici qoxusu ilə seçilir. Gündəlik istifadə üçün pambıq və təmizlik notları olan yüngül ətirlər, axşam saatları üçün isə müşkün ənbər, odunsu notlar və vanillə birləşdiyi daha zəngin kompozisiyalar tövsiyə olunur.
1. Maison Francis Kurkdjian Gentle Fluidity Gold
Bu ətir isti, şirin və cəlbedici qoxusu ilə seçilir. Müşk, vanil, ənbər ağacı və karamel çalarları bir-birini tamamlayır. Ardıc giləmeyvələri və muskat qozu isə kompozisiyaya ədviyyatlı notlar əlavə edir.
Əsas notları: ardıc giləmeyvələri, muskat qozu, keşniş, müşk, vanil, karamel və ənbər ağacı.
2. Narciso Rodriguez For Her Pure Musc
Pure Musc təmiz, yumşaq və çiçək çalarları ilə zəngin müşk ətiridir. Payızda zərif və sadə qoxulara üstünlük verənlər üçün ideal seçim hesab olunur. Həm gündüz, həm də axşam istifadə etmək mümkündür.
Əsas notları: müşk, çiçək notları və kaşmeran.
3. Byredo Blanche
Blanche təravətli və eyni zamanda zərif ətirləri sevənlər üçün nəzərdə tutulub. Aldehidlər təzə yuyulmuş paltar qoxusu yaradır, qızılgül ətirə yumşaqlıq, müşk isə istilik qatır.
Əsas notları: aldehidlər, qızılgül, pion, bənövşə, müşk və səndəl ağacı.
4. Montale White Musk
White Musk pudralı müşk qoxusunu sərin yaşıl və incə çiçək notları ilə birləşdirir. Həddindən artıq şirin ətirləri sevməyən qadınlar üçün münasibdir. Ofisdə, gəzintidə və gündəlik istifadə üçün universal seçimdir.
Əsas notları: bənövşə yarpaqları, ilanq-ilanq və müşk.
5. Lattafa Musk Mood
Musk Mood Şərq üslubunda müşk ətirlərini sevənlər üçün daha münasib qiymətli alternativdir. Daha zəngin və ifadəli qoxusu ilə seçilən bu ətir payız geyimlərini və axşam obrazlarını tamamlamaq üçün uyğun hesab olunur. Mütəxəssislərin fikrincə, müşk ətirlərinin əsas üstünlüyü onların həm gündəlik, həm də xüsusi günlərdə istifadə oluna bilməsidir. Xüsusilə payız mövsümündə belə ətirlər insana istilik, rahatlıq və zəriflik hissi bəxş edir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
