Azərbaycan iqtisadiyyatında 2020-ci ilə qədər ciddi struktur dəyişiklikləri baş verəcək.
«APA-Economics»in xəbər verdiyi kimi, bunu Azərbaycanın iqtisadi inkişaf naziri Şahin Mustafayev bəyan edib.
Nazirin sözlərinə görə, 2020-ci ilə qədər qeyri-neft sektoru hesabına 2 dəfə artacaq ÜDM-in yalnız təxminən 20%-i neft sektorunun payına düşəcək ki, bu da iqtisadiyyatın neftdən asılılığının tamamilə aradan qaldırılması deməkdir. Ş.Mustafayev vurğulayıb ki, hazırda ÜDM-in 48%-i neft, 52%-i isə qeyri-neft sektoru hesabına formalaşır.
Nazir həmçinin bəyan edib ki, 2012-ci ildə qeydə alınan 2,2%-lik iqtisadi artım tamamilə qeyri-neft sektoru hesabına formalaşıb. Bu ilin ilk iki ayı ərzində isə qeyri-neft ÜDM-in 10,5%-lik artımı hesabına ümumi iqtisadi artım 3,2%-ə çatıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
