“Azərbaycan Respublikası Dövlət Neft Şirkəti (ARDNŞ) Potidə kimyəvi maddələr istehsal edən zavod tikəcək”.
APA-nın Gürcüstan bürosunun məlumatına görə, bu barədə Gürcüstanın baş naziri Bidzina İvanişvili fevralın 22-də diplomatik korpusla görüş tədbirindən sonra jurnalistlərə açıqlamasında bildirib. Onun sözlərinə görə, zavodun tikilməsi detalları dəqiqləşdirilir.
“Gübrə zavodu dövlətin iştirakı ilə inşa edilir. Yeni zavod kimyəvi maddələr istehsalına başladıqdan sonra, Rustavidə istehsal olunan müxtəlif növlü gübrələr kimi məhsullarımız olacaq. Lakin deyə bilmərəm ki, zavodun tikintisi hökumət proqramı idi. Yeni zavodun tikintisi məsələsinə biz də qoşulduq və bu barədə danışıqlar apardıq. Layihədə müəyyən dəyişikliklər etdik və zavodun tikintisi həyata keçiriləcək”- deyə, İvanişvili bildirib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
