(R) “Unibank” kreditləri qapınıza gətirir

“Kreditlər qapınıza gəlir” şüarı altında iyulun 24-də Bakının mikrorayonlarının birində “Unibank”-ın ilk kredit yarmarkası keçirilib. Müştərilərə daha rahat tərzdə xidmət göstərmək üçün Bank xüsusi yaratdığı mobil ofisi vasitəsi ilə onların yaşayış yerlərində kredit sifarişlərinin qəbulu və rəsmiləşdirməsinə başlayıb.

Aksiya çərçivəsində vətəndaşlardan və iş adamlardan nağd kreditlər, kredit kartları, mikro və avtokreditlərin cəlb olunması üzrə müraciətlər qəbul olunub. Potensial müştərilərin rahatlığını tam təmin etmək məqsədi ilə aksiya məhz axşam saatlarında təşkil edilib və əhalinin kütləvi marağına səbəb olub. Belə ki, “Unibank”-ın mobil ofisinə bir gün ərzində kreditlər üzrə 116 müştəri müraciət edib. Xatırladaq ki, artıq “Unibank”-da 2500 manata qədər kreditlər zaminsiz və girovsuz verilir. Kreditlər əksər hallarda yalnız iş yerindən arayış əsasında verilir. Bu zaman istehlak kreditlərinin ödənilməsinin yeni iki illik müddəti aylıq ödənişlərin məbləğini əhəmiyyəti dərəcədə azaltmağa imkan verir. Kreditin məbləği, hər bir borcalanın gəlirindən asılı olaraq, fərdi qaydada müəyyən olunur. Bundan başqa, Bank tərəfindən borcalanların əmək stajlarına minimal tələb 6 aydan 3 aya qədər azaldılıb, paytaxt qeydiyyatı da artıq kredit cəlb etmək üçün mütləq şərt deyil. İstehlak kreditlər üzrə effektiv faiz dərəcəsi isə illik 17%-dir.

“İstehlak kreditlərə tələbat artır və biz bu səbəbdən mobil ofisimizi yaradaraq müştərilərə qarşı yeni addımlar etməyə hazırıq” - deyə, “Unibank” ASC Satış kanallarının idarə olunması üzrə baş meneceri Vüsal Nağıyev qeyd edib. Onun sözlərinə görə, bu cür aksiyalar əhali üçün böyük əhəmiyyət kəsb edir, ən azı ona görə ki, bu zaman müştərilərə təklif olunan kredit alətlərinin faydalı şərtləri aşkarlanır. “Son aylar ərzində kredit məhsullar cərgəsini xeyli genişləndirərək, biz potensial müştərilərə daha rahat və əlavə xərc tələb etməyən yeni xidmət kanalı təklif edirik” - deyə, o, fikrini tamamlayıb.

Qeyd etmək lazımdır ki, kredit sifarişlərini qəbul edərkən, “Unibank” müştəri gəlirlərinin qiymətləndirməsində çevik yanaşma tətbiq edir. Belə texnologiyalar kredit üçün müraciətlərə dəqiqələr ərzində növbəsiz baxılmasını və çıxarılan qərarların qəbul edilməsində subyektiv amilləri istisna etməyə imkan verir. “Unibank”-da istehlak kreditlərinin şərtləri və “Kreditlər qapınıza gəlir” aksiyası barədə daha ətraflı məlumatı (012) 117 nömrəli telefonla əldə etmək olar.