“Azəriqaz” İstehsalat Birliyi təbii qazın dəqiq uçotunun aparılması və qazdan qeyri-qanuni istifadə hallarının qarşısının alınması istiqamətində nəzarət tədbirlərini davam etdirir. Lent.az-ın ARDNŞ-in rəsmi saytına istinadən verdiyi məlumata görə, hələ də bəzi fiziki və hüquqi şəxslər tərəfindən təbii qazdan sayğacdankənar, qeydiyyatsız istifadəyə cəhd göstərilməsi halları ilə əlaqədar Nazirlər Kabinetinin 12 may 2011-ci il tarixli 80 nömrəli qərarı ilə təsdiq edilmiş “Qazdan istifadə Qaydaları”nın tələblərinə riayət olunmasına nəzarət məqsədilə mütəmadi olaraq reydlər keçirilir.
Növbəti reyd bu günlərdə Bakının Binəqədi rayonu ərazisində olub. Reyd zamanı rayonun təkcə bir yaşayış massivində təbii qazdan qeyri-qanuni istifadə ilə bağlı 50-dən artıq fakt aşkarlanıb. “Vulkan qəsəbəsi” adlanan yaşayış sahəsindəki “Tac” kafesində heç bir texniki sənəd olmadan, qeyri-qanuni qaz xəttinə qoşulma faktı aşkarlanıb, xətt mənbədən ayrılıb, obyekt rəhbərliyinin təbii qazdan qeyri-qanuni istifadə edilməsinə görə məsuliyyət məsələsi qaldırılıb. Bundan başqa, 51 nəfər fiziki şəxs, o cümlədən Babayev Arif, Salmanov Akif, Bəhmanov Sabir, Yürüyev İslam, Ağayev Zəmanət və başqaları tərəfindən təbii qazdan qeydiyyatsız istifadə halları aşkarlanıb. Bununla əlaqədar ev sahiblərinin iştirakı ilə faktlar aktlaşdırılmış və həmin evlərin qaz təchizatı dayandırılıb. Reyd zamanı əhali tərəfindən təhlükəsizlik qaydalarının pozulması halları da müəyyənləşdirilib. Belə ki, rezin şlanq birləşmələrinə yol verilməsi, nasaz və qeyri-standart qaz cihazlarından istifadə halları, qaz kəmərlərinin həyətlərdən və mənzillərdən tranzit keçməsi, soba və su qızdırıcılarının, o cümlədən qaz plitələrinin yerləşdirildiyi otaqların normativ tələblərə cavab verməməsi, təbii qazla işləyən su qızdırıcılarının tüstü bacalarının düzgün qurulmaması kimi nöqsanlar aşkar edilərək, ev sahiblərinin nəzərinə çatdırılmış, onlara müvafiq tövsiyələr verilib.
“Azəriqaz” İstehsalat Birliyi bir daha abonentlərə xəbərdarlıq edir ki, təbii qazdan qeyri-qanuni istifadə yolverilməzdir. Buna cəhd göstərən istehlakçıların təbii qaz təchizatı qeyd-şərtsiz dayandırılacaq, dəymiş ziyanın məbləği də hesablanaraq onlardan tutulacaq.
“Tac” kafesində qazdan qeyri-qanuni istifadə aşkarlandı
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
747
Oxşar yazılar
"Azercell" ADA-nın Karyera Hazırlığı Həftəsində iştirak edib - VİDEO
17 may 2024 , 18:06
Mahayət Nəbiyev: “Kristal Abşeron" tikintidə enerji qənaəti üçün innovativ texnologiyalarda istifadə edir
17 may 2024 , 17:50
"Kapital Bank"ın 2023-cü ilin yekunlarına həsr olunmuş mətbuat konfransı keçirilib
17 may 2024 , 15:29
“Nar” voleybol üzrə milli komandalarımıza Qızıl Avropa Liqasında uğurlar arzulayır
17 may 2024 , 12:57
"Unibank"ın biznes üçün “Bahar endirimi” kampaniyası davam edir
17 may 2024 , 10:57
Sabah Sumqayıtın bu ərazilərində qaz kəsiləcək
16 may 2024 , 17:04“Azərsun Holdinq” sərgidə qida, qeyri-qida və kənd təsərrüfatı stendləri ilə təmsil olunur
16 may 2024 , 15:57
