DəmirBank-ın müştərisi Western Union üzrə aksiyada 1000 manat qazanıb

Western Union sistemi ilə DəmirBank-da pul köçürməsi edən və alan müştərilər “bəli! Mən dostlarımı gətirib uduşlar uda bilərəm!” adlı kampaniyada iştirak edir. Kampaniya 2011-ci ilin 15 aprel - 15 iyul müddətində keçirilir.

Kampaniyanın ilk tirajının yekunlarına əsasən DəmirBank-ın “Mərkəz” filialının müştərisi 1000 manat məbləğində pul uduşu qazanıb. Lotereyanın növbəti tirajı 27 iyul 2011-ci il tarixində keçiriləcək.

Kampaniya lotereya və hədiyyə aksiyasından ibarətdir. Şərtlərə əsasən, Western Union sistemi ilə müştəri 2 pul köçürmə əməliyyatı etdikdə foto çərçivə, 5 əməliyyat etdikdə isə portmane əldə edir. Bununla yanaşı hər əməliyyat 1 şans olaraq lotereyada 1000 manat udmaq imkanı verir. Western Union sistemi üzrə kampaniyada Azərbaycanın yalnız 6 bankının (DəmirBank, ParaBank, ExpressBank, Azərbaycan Sənaye Bankı, SilkwayBank və GünayBank) müştəriləri iştirak edir.

“DəmirBank pul köçürmələri üzrə müxtəlif kampaniyalar keçirir. Western Union sistemi üzrə kampaniya ilə yanaşı, DəmirBank öz müştəriləri üçün Mobil Danışıq Kartı Hədiyyə və hər ay 16 nəfərin qalib olduğu Uduş Kampaniyasını həyata keçirir. Sonuncu qeyd etdiyim kampaniyada yalnız DəmirBank müştəriləri iştirak edir və artıq 48 müştəri pul uduşlarına sahib olub” – deyə Bankın İdarə Heyətinin Sədr Müavini Yusif Cabbarov bildirib.

Hazırda DəmirBank-ın 31 filial və şöbəsi fəaliyyət göstərir. Onlardan 13-ü paytaxt Bakı şəhərində, 18-i isə ölkənin Gəncə, Sumqayıt, Şəki, Zaqatala, Yevlax, Bərdə, Qazax, Şəmkir, Quba, Qusar, Göyçay, Ağdaş, Ağsu, Şamaxı, Lənkəran, Masallı, Sabirabad və İmişli şəhərlərində yerləşir.

DəmirBank-da pul köçürmələri üzrə keçirilən kampaniyalar və aksiyalar barədə www.demirbank.az saytında və ya 149 nömrəsinə zəng etməklə ətraflı məlumat əldə etmək olar.