Bakı-Naxçıvan-İstanbul aviareysi dayandırılıb
02 iyun 2009 16:30 (UTC +04:00)

Bakı-Naxçıvan-İstanbul aviareysi dayandırılıb

«Azərbaycan Hava Yolları» QSC Bakı-Naxçıvan-İstanbul və əks istiqamətə həyata keçirdiyi aviareysi dayandırıb.

Naxçıvan Beynəlxalq Hava Limanından APA-nın yerli bürosuna verilən məlumata görə, buna səbəb sözügedən reyslərdən istifadə edən sərnişinlərin sayının az olmasıdır.

Hava Limanından bildiriblər ki, Bakı-Naxçıvan-İstanbul və əks istiqamətə reyslərin fəaliyyətini dayandırması müvəqqətidir. İyun ayı ərzində uçuşların bərpası olunacağı istisna edilmir.

Qeyd edək ki, hazırda Naxçıvan sakinləri daha çox sərnişin avtobusları ilə qonşu ölkəyə getməyə üstünlüyük verirlər.

Xatırladaq ki, Bakı-Naxçıvan-İstanbul və əks istiqamətdə aviareyslər 2008-ci il dekabr ayının sonundan fəaliyyətə başlayıb. Aviareyslər II və V günlər olmaqla «Airbus» tipli təyyarələrlə həyata keçirilib. Bir tərəfə biletin qiyməti 186 manat, ikitərəfli istiqamət üzrə (Naxçıvan-İstanbul və İstanbul-Naxçıvan üçün gediş-gəliş) biletlər 288 manatdır.
# 888

Oxşar yazılar