BVF-in ölkəmizə göstərəcəyi yardımla bağlı məsələlər müzakirə edilib - FOTO
16 noyabr 2012 13:25 (UTC +04:00)

BVF-in ölkəmizə göstərəcəyi yardımla bağlı məsələlər müzakirə edilib - FOTO

Maliyyə naziri Samir Şərifov Bakıda səfərdə olan Beynəlxalq Valyuta Fondunun (BVF) Yaxın Şərq və Orta Asiya ölkələri Departamentinin direktoru Masud Əhmədin rəhbərlik etdiyi nümayəndə heyətini qəbul edib. Bu barədə Lent.az-a Maliyyə Nazirliyindən məlumat verilib.

Görüşdə Azərbaycan iqtisadiyyatının perspektivləri, ölkənin iqtisadi siyasətindəki prioritetləri, qeyri-neft sektorunun inkişafı, həmçinin BVF Azərbaycan hökumətinə göstərəcəyi texniki yardımın istiqamətləri barədə müzakirələr aparılıb. Azərbaycan hökuməti ilə BVF arasında çox səmərəli və işgüzar əlaqələrin mövcud olduğunu məmnunluqla qeyd edən M. Əhməd ölkədə iqtisadi sabitliyin qorunub saxlanılması və inkişafın təmin olunması üçün həyata keçirilən tədbirlərin Fond tərəfindən dəstəkləndiyini vurğulayıb.

Tərəflər Azərbaycanla BVF arasında maddə IV məsləhətləşmələri çərçivəsində səmərəli dialoqun davam etdirilməsi, eyni zamanda ölkənin prioritetləri ilə bağlı konkret sahələr üzrə orta və uzunmüddətli texniki yardımın göstərilməsi, iqtisadi inkişafın perspektivlərinin qiymətləndirilməsi və digər məsələlərlə bağlı da məsləhətləşmələr aparıb. Bu, BVF-nun Yaxın Şərq və Mərkəzi Asiya Departamentinin rəhbəri Məsud Əhmədin Azərbaycana ilk səfəridir.
# 790

Oxşar yazılar