(R) “Bank of Baku”-nun kredit portfeli 400 milyon manata çatıb

Pərakəndə bankçılıq sahəsində Azərbaycanın aparıcı banklarından olan “Bank of Baku”-nun kredit portfelinin həcmi, cari ilin 1 noyabr tarixinə olan məlumata görə, 400 milyon manata çatıb. Bu, Azərbaycan bankları arasında ən yüksək göstəricilərdən biridir. Ötən ilin analoji dövrü ilə müqayisədə bu rəqəm 58%, cari ilin əvvəli ilə müqayisədə isə 48% artıb. “Bank of Baku”-nun kredit portfelinin mövcud artım tempi bu dinamikanın yaxın perspektivdə dəyişməz qalacağını ehtimal etməyə əsas verir.

Hal-hazırda “Bank of Baku” istehlak və pul kreditinin onlarla növü üzrə ölkə vətəndaşlarına kreditlər ayırır. Kredit almaq üçün vətəndaşlar bankın istənilən filialına baş çəkə və yaxud onlayn sifariş ərizəni doldurub göndərə bilər: http://www.bankofbaku.com/az/online-banking/credit-online.html .

1994-cü ildə təsis edilən “Bank of Baku” bu günlərdə 900.000-ci istehlak kreditini rəsmiləşdirib və artıq 500.000-dən çox vətəndaş “Bank of Baku”-nun müxtəlif xidmət və məhsullarından faydalanıb.

“Bank of Baku”-nun xidmət və məhsulları ilə yaxından tanış olmaq üçün bankın Məlumat Mərkəzinin 145 nömrəsinə zəng etmək, həmçinin bankın www.facebook.com/bankofbaku sosial şəbəkə səhifəsini ziyarət etmək olar.