Elektron ticarətin həcmi 1 milyon manata çatır
08 sentyabr 2012 11:49 (UTC +04:00)

Elektron ticarətin həcmi 1 milyon manata çatır

Bu ilin yanvar-avqust aylarında pərakəndə ticarət şəbəkəsindən əhaliyə 11,0 milyard manat məbləğində istehlak malları satılıb.

Lent.az-ın Dövlət Statistika Komitəsinin rəsmi saytına istinadən verdiyi məlumata görə, bu, 2011-ci ilin eyni dövrü ilə müqayisədə 9,2 faiz çoxdur.

İstehlak mallarının 1,4 milyard manatı hüquqi şəxslərin, 5,1 milyard manatı hüquqi şəxs yaratmadan ticarət fəaliyyəti göstərən fərdi sahibkarların, 4,5 milyard manatlıq həcmi isə bazar və yarmarkalarda fəaliyyət göstərən fiziki şəxslərin şəbəkələrində realizə edilib. Elektron ticarətin həcmi 905,1 min manat olub. Əhalinin pərakəndə ticarət şəbəkələrində xərclədikləri vəsaitin 6,2 milyard manatı ərzaq məhsullarının, 4,8 milyard manatı qeyri-ərzaq mallarının alınmasına sərf olunub.
# 935

Oxşar yazılar