[b]Peru yığması mundialdan kənarda qala bilər[/b]

Futbol üzrə Peru yığması 2018-ci il Dünya Çempionatında iştirakdan məhrum edilə bilər.

APA-nın “Gazeta.ru”-ya istinadən verdiyi xəbərə görə, yerli siyasətçi Paloma Noseda ölkənin futbol federasiyasının dövlətin tam nəzarəti altına keçməsini nəzərdə tutan qanun qəbul etməyi təklif edib. Bu isə FİFA-nın qaydalarına ziddir.

Qanun qəbul edildiyi təqdirdə, Peru Futbol Federasiyası FİFA-nın üzvlüyündən kənarlaşdırıla bilər. Bu halda Peru millisi mundialda iştirak etmək hüququndan məhrum ediləcək.