"Mançester Yunayted"in hücumçusu Kriştiano Ronaldo İngiltərə Premyer Liqasının 3-cü turunun oyunundan əvvəl "Liverpul"un keçmiş müdafiəçisi Ceymi Karraqerlə əllə görüşməyib.
Lent.az-ın xarici mediaya istinadla xəbərinə görə, insident Mançesterdəki “Old Trafford” stadionunda “Mançester Yunayted” – “Liverpul” (2:1) qarşılaşmasının başlamasına bir neçə dəqiqə qalmış baş verib. Karraqer mankunian klubunun əfsanələri Qari Nevill və Roy Kin ilə birlikdə sahə yaxınlığında idman televiziyası eksperti kimi çıxış edib.
Ronaldo onlara yaxınlaşıb, Karraqerin əlini sıxmaq cəhdinə məhəl qoymayıb və Nevili qucaqlayıb. Daha sonra portuqaliyalı yenidən "Liverpul"un keçmiş futbolçusunun salamına cavab verməyib və Kinlə salamlaşmaq üçün onun ətrafında gəzib. Bundan sonra Ronaldo isinmə hərəkətinə qayıdıb.
Xatırladaq ki, Karraqer ötən yay futbolçunun “Mançester Yunayted”ə qayıtmasından sonra Ronaldonu dəfələrlə tənqid edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
