“Mançester Yunayted”in hücumçusu Kriştianu Ronaldo İngiltərə klubunda qalacaq.
Lent.az xarici mediaya istinadla bildirir ki, bu barədə jurnalist Pedro Almeyda sosial şəbəkədəki səhifəsində yazıb.
Mənbənin məlumatına görə, portuqaliyalı futbolçu bu qərarı “Real”ın yarımmüdafiəçisi Kazemironu “qırmızı şeytanlar”ın düşərgəsinə transfer etməsi ilə bağlı verib.
Xatırladaq ki, daha əvvəl Ronaldo və Kazemiro İspaniya komandasında birgə çıxış ediblər. Bundan əvvəl Ronaldonun karyerasını "Borussiya Dortmund", "Sportinq" və ya "Marsel"də davam etdirə biləcəyi bildirilirdi.
Premyer Liqanın ilk turunda Ronaldo “Mançester Yunayted”in “Brayton”la oyununda ehtiyatda (1:2) başlayıb, əvəzedici kimi meydana çıxıb. İkinci oyunda - "Brentford"la (0:4) tam oynasa da, hər iki görüşdə qol vura bilməyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
