"Qarabağ" - "Viktoriya" oyunu başa çatdı -YENİLƏNİB

"Viktoriya" Plzen - "Qarabağ" qarşılaşması 2:1 hesabı ilə başa çatıb.
Lent.az xəbər verir ki, “Qarabağ” Çempionlar Liqasını tərk edib və Avropa Liqasında oynayacaq.

***

00.30

"Viktoriya" Plzenin "Qarabağ"la qarşılaşmada 73-cü dəqiqədə rəqib komanda irəli keçib.
Lent.az xəbər verir ki, hesab 2:1-dir.

***

00.17

"Viktoriya" Plzen "Qarabağ"la qarşılaşmada hesabı bərabərləşdirib.
Lent.az xəbər verir ki, hesab 1:1-dir.

***

23.43

"Qarabağ" ilk qolunu vurub.
Lent.az xəbər verir ki, Ozoviç 38-ci dəqiqədə hesabı açıb. “Qarabağ” 1-0 öndədir.

***

23.05

Azərbaycan çempionu “Qarabağ” növbəti avrokubok oyununu keçirir.

Lent.az-ın Apasport.az saytına istinadla məlumatına görə, Çempionlar Liqasında mübarizə aparan Ağdam klubu pley-offun cavab görüşündə qüvvəsini sınayır.

Qurban Qurbanovun yetirmələri Plzendə “Viktoriya”nın qonağıdır. Bakıda Çexiya çempionu ilə qolsuz heç-heçə edən “Qarabağ” qitənin ən nüfuzlu klub turnirində qrupa yüksəlmək üçün ən azı penaltilər seriyasında da olsa, mütləq qalib gəlməlidir. Qarşılaşma Bakı vaxtı ilə saat 23:00-da başlayıb.

Qeyd edək ki, cütün qalibi Çempionlar Liqasının, məğlubu Avropa Liqasının qrup mərhələsində oynayacaq.