İspaniyada Peru millisinin futbolçuları  polislə dava etdi
28 mart 2023 19:20 (UTC +04:00)

İspaniyada Peru millisinin futbolçuları polislə dava etdi

Madriddə Peru millisinin futbolçuları otelə gələrkən İspaniya polisi ilə dava ediblər.

Lent.az-ın xarici mediaya istinadən məlumatına görə, Peru idmançıları martın 29-da Madriddə, “Metropolitano” stadionunda Mərakeş yığması ilə yoldaşlıq görüşünə gəliblər.

Azarkeşlər futbolçuları otelin qarşısında qarşılayıblar. Gəliş zamanı bir neçə idmançı azarkeşlərə yaxınlaşıb, polis onları tanımayıb və münaqişədən sonra dava düşüb. Futbolçulardan Pedro Qalese, Aleks Valera və Yocimar Yotun xəsarət alıb.

"Biz insanlarla salamlaşmaq istədik və polis bizi vurmağa başladı", - Qalese jurnalistlərə bildirib.

Peru Xarici İşlər Nazirliyi sosial şəbəkələrdə Qalesenin hadisə ilə bağlı ifadə verdiyini və artıq polis bölməsini heç bir ittiham irəli sürmədən tərk etdiyini bildirib.

Peru Futbol Federasiyası baş vermiş hadisədən təəssüfləndiyini bildirib və azarkeşləri ev sahibi ölkənin hakimiyyət orqanlarına hörmətlə yanaşmağa çağırıb.
 

# 1125
avatar

Oxşar yazılar