"Barselona" 17 yaşlı yarımmüdafiəçini alır

“Barselona” “River Pleyt”in 17 yaşlı yarımmüdafiəçisi Klaudio Eçeverri ilə danışıqlara başlayıb.

Lent.az xarici mediaya istinadla bildirir ki, Kataloniya klubu müqavilənin ləğvi ilə bağlı bənddə göstəriləndən daha böyük məbləği – 25 milyon avronu hissə-hissə ödəməyə hazırdır.

Eçeverri “River Pleyt”in yetirməsidir və akademiyadan əsas komandaya qədər yüksəlib. Futbolçunun klubla müqaviləsi 2024-cü ilin dekabrına qədərdir. Transfermarkt 17 yaşlı argentinalıya 4 milyon avro qiymət qoyub.

Bu mövsüm Eçeverri 5 oyun keçirib və 1 məhsuldar ötürmə edib.

“Barselona”nın hazırda altı yarımmüdafiəçisi var: Qavi, Pedri, De Yonq, Gündoğan, Sergi Roberto və Romeu Oriol.