Avropa Liqası: 3 darmadağın, 1 heç-heçə

Lent.az-ın məlumatına görə, bu mərhələdə mübarizəni davam etdirən Portuqaliyanın 3 klubunun hamısı əlverişli nəticəyə nail olub.

Əvəzində Hollandiyanın hər 2 təmsilçisi darmadağın olub. Onlardan PSV səfərdə məhz Portuqaliyanın “Benfika” klubuna böyük hesabla uduzub. “Tvente” isə İspaniyada “Vilyarreal” qarşısında aciz qalıb – 1:5. Bir neçə gün öncə Portuqaliya çempionluğunu təmin etmiş “Portu” Rusiya “Spartak”ına eyni hesabla qalib gəlib. Nəhayət, Kiyev “Dinamo”su Ukraynada Portuqaliyanın daha bir təmsilçisi “Braqa” ilə heç-heçə edib. Bu görüş daha çox Andrey Şevçenkonun meydançadan qovulması ilə əlamətdar olub. İkinci hissədə meydançaya daxil olan Şevçenko 15 dəqiqə ərzində 2 sarı vərəqə alıb. “Dinamo”nun kapitanı aprelin 14-də keçiriləcək cavab görüşündən məhrum olub.

“Benfika” (Portuqaliya) - PSV (Hollandiya) - 4:1
Pablo Aymar, 37. Eduardo Salvio, 45; 51. Xavyer Saviola, 90 - Zakaria Labyad, 80

“Dinamo” (Kiyev, Ukrayna) – “Braqa” (Portuqaliya) - 1:1
Andrey Yarmolenko, 6 - Oqnyen Vukoyeviç, 14-öz qapısına
Qırmızı vərəqə: Andrey Şevçenko, 61 (“Dinamo”)

“Portu” (Portuqaliya) – “Spartak” (Moskva, Rusiya) - 5:1
Radamel Falkao, 37; 90. Silvestre Varela, 65. Maykon, 70. Ceyms Rodriges, 84 - Kirill Kombarov, 71

“Vilyarreal” (İspaniya) – “Tvente” (Hollandiya) - 5:1
Karlos Marçena, 23. Borxa Valero, 43. Nilmar, 45; 80. Cüzeppe Rossi, 55 - Mark Yanko, 90.