Zaqatalada fərdi yaşayış evində yanğın olub.
Fövqaladə Hallar Nazirliyinin (FHN) Zaqatala rayon Dövlət Yanğından Mühafizə Hissəsindən APA-nın Şəki-Zaqatala bürosuna verilən məlumata görə, yanğın hadisəsi rayonun Əli Bayramlı kəndində Abbas Zübeyri oğlu Şıxıyevə məxsus, ümumi sahəsi 264 kv/m olan ikimərtəbəli 11 otaqlı fərdi yaşayış evində baş verib.
Hadisə yerinə FHN-nin Zaqatala rayon DYMH-nin texnikası cə canlı qüvvəsi cəlb edilib. Yanğın nəticəsində evin çardaq hissəsində və evin ikinci mərtəbəsində 4 otağın yanar konstruksiyaları 90 kv/m sahədə və ev əşyaları qismən yanıb. Evin qalan hissəsi və bitişik digər tikillər yanğından mühafizə olunub. Yanğın zamanı xəsarət alan olmayıb.
Faktla bağlı FHN-nin Zaqatala rayon DYMH-də araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
