Zaqatalada həyat yoldaşını qətlə yetirən ər saxlanılıb - YENİLƏNİB

Zaqatalada həyat yoldaşını qətlə yetirdikdən sonra hadisə yerindən qaçan ər tutulub.

APA-nın şimal-qərb bürosunun məlumatına görə, rayon hüquq-mühafizə orqanları əməkdaşlarının keçirdikləri əməliyyat-axtarış tədbirləri nəticəsində hadisəni törədən rayonun Suvagil kənd sakini Aqşin Qədir oğlu Qədirov rayon ərazisində tutularaq istintaqa təhvil verilib.

Qeyd edək ki, A.Qədirov və mərhum B.Qədirovanın evliliyindən üç övladları var. İlkin ehtimala görə, qətl qısqanclıq zəminində törədilib.

***

Saat 21:42

Zaqatalada kişi öz həyat yoldaşını bıçaqlayaraq qətlə yetirib.

APA-nın şimal-qərb bürosunun məlumatına görə, hadisə axşam saatlarında Zaqatala-Qax avtomobil yolunun Muxax kəndi ərazisindən keçən hissəsində baş verib.

Rayonun Suvagil kənd sakini, 1982-ci il təvəllüdlü Büllurə Seyran qızı Qədirova əri Aqşin Qədir oğlu Qədirov tərəfindən bıçaqlanaraq qətlə yetirilib. Ər arvadını bıçaqladıqdan sonra hadisə yerindən qaçıb.

Hazırda rayonun hüquq-mühafizə orqanları əməkdaşları hadisə yerində araşdırma aparır.