Ölü tapılan 86 yaşlı qadının üzərində zorakılıq əlamətləri aşkarlandı

Yevlaxda yaşadığı evdə meyiti tapılan qadınla bağlı bəzi təfərrüatlar məlum olub.

APA-nın Qarabağ bürosunun xəbərinə görə, qadının meyiti müayinə olunmaq ekspertizaya göndərilib. Müayinə zamanı meyitin üzərində zorakılıq əlamətləri aşkar edilib.

Hazırda Yevlax rayon Prokurorluğu tərəfindən hadisənin dəqiq səbəblərinin araşdırılması istiqamətində tədbirlər davam etdirilir.

Kəlbəcər rayonundan məcburi köçkün Nəsibova Maral Qara qızının evdə tənha yaşadığı bildirilib. Hüquq-mühafizə orqanlarının əməkdaşları hadisə yerinə cəlb olunub. Hadisənin təfərrüatları araşdırılır. Maral Nəsibovanın qətlə yetirildiyi ehtimal olunur.

***

15:35

Yevlaxda 86 yaşlı qadının mənzilində meyiti tapılıb.

Lent.az-ın Fövqəladə Hallar Nazirliyinin saytına istinadən məlumatına görə, Yevlax şəhərində mənzildə 1930-cu il təvəllüdlü Nəsibova Maral Qara qızının bağlı qapı arxasında qalması barədə məlumat daxil olub. Dərhal Fövqəladə Hallar Nazirliyinin Aran Regional Mərkəzinin xilasediciləri hadisə yerinə cəlb olunaraq mənzilin qapısını açıb və M.Nəsibovanın cəsədini aidiyyəti üzrə təhvil veriblər.

Faktla bağlı araşdırma aparılır.