Xırdalanda yanğın, iki azyaşlı xəsarət aldı

Abşeron rayonunda yanğın hadisəsi qeydə alınıb.

Lent.az-ın Fövqəladə Hallar Nazirliyinin saytına istinadən verdiyi məlumata görə, Abşeron rayonu, Xırdalan şəhərində vətəndaşa məxsus evin həyətində 15 kv.m sahəyə yığılmış tikinti materialları yanıb. Yanğın zamanı iki azyaşlı müxtəlif dərəcəli yanıq xəsarətləri alıb. Yaxınlıqdakı yaşayış evi yanğından mühafizə olunub.