Xınalıq yolu açıldı

Xınalıq istiqamətində avtomobillərin hərəkəti üçün yaranan problem tam aradan qaldırılıb.

Bu barədə APA-nın şimal bürosuna Quba 6 saylı Yol İstismar İdarəsinin (Yİİ) sahə rəisi Bilal Sultanov məlumat verib.

Onun sözlərinə görə, səhər saatlarından etibarən yolun qardan təmizlənməsi və açılması üçün əraziyə 6 saylı Yİİ-nin texnikası və canlı qüvvəsi cəlb olunub. Texnikanın köməkliyi ilə Xınalıq istiqamətində avtomobillərin hərəkəti üçün yaranan məhdudiyyət tam aradan qaldırılıb.

Xatırladaq ki, güclü qarın yağması nəticəsində Quba-Xınalıq yolunun 30-cu km-dən sonra Xınalıq istiqamətinə maşınların hərəkəti dayanmışdı.