Xəzərdə batmaq təhlükəsi ilə üzləşən şəxs xilas edildi

Bu gün Fövqəladə Hallar Nazirliyinin Böhran Vəziyyətlərində İdarəetmə Mərkəzinə Hövsan çimərliyində 1 nəfərin batmaq təhlükəsi ilə üzləşməsi barədə məlumat daxil olub. Lent.az nazirliyin saytına istinadən xəbər verir ki, Suraxanı rayonu ərazisində dənizdə (müvafiq olaraq “Hövsan” sularda xilasetmə məntəqəsindən, təxminən, 400 m sola, nəzarət olunmayan ərazidə) batmaq təhlükəsi ilə üzləşmiş 1 nəfər dalğıc-xilasediciləri tərəfindən xilas olunub. Əməliyyat saat 15:15-də başa çatıb.