Xaçmazda "Volkswagen"-lə “VAZ” toqquşdu: 2 yaralı

Bu gün axşam saatlarında Xaçmaz şəhərində yol nəqliyyat hadisəsi baş verib.

APA -nın şimal bürosunun verdiyi məlumata görə, hadisə Xaçmaz -Quba yolunun 1 -ci km -də qeydə alınıb.

90 NO 084 dövlət nömrə nişanlı "Volkswagen" markalı avtomaşınla 10 VZ 337 dövlət nömrə qeydiyyatlı "VAZ 21015 " markalı avtomaşın toqquşub. Qəza nəticəsində iki nəfər xəsarət alıb. Onlar Xaçmaz Mərkəzi Rayon Xəstəxanasına yerləşdirilib.

Faktla bağlı Xaçmaz rayon Polis Şöbəsində araşdırmalar davam etdirilir.