Tovuzda sürücünün ölümü ilə nəticələnən yol-nəqliyyat qəzası baş verib.
APA-nın qərb bürosunun verdiyi məlumata görə, hadisə avqustun 8-də Tovuz şəhərində qeydə alınıb.
Rayonun Yuxarı Öysüzlü kənd sakini, 1983-cü il təvəllüdlü Ramiz Məmmədov idarə etdiyi “Mercedes” markalı avtomobillə hərəkətdə olarkən idarəetməni itirib və maşın yolun kənarındakı divara çırpılıb. Qəza zamanı ağır bədən xəsarətləri alan sürücü xəstəxanaya aparılarkən yolda dünyasını dəyişib.
Faktla bağlı Tovuz rayon Polis Şöbəsində araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
