Tövlə yandı, 10 baş heyvan tələf oldü
13 iyun 2017 22:38 (UTC +04:00)

Tövlə yandı, 10 baş heyvan tələf oldü

Bu gün axşam saat 19:00 radələrində Şəki rayonunun Aşağı Daşağıl kəndində yanğın baş verib.

 

APA-nın Şəki-Zaqatala bürosunun verdiyi xəbərə görə, kənd sakini Bayramov Eyvaz Vaxtsız oğlunun yaşadığı evin həyətində tikilmiş, ümumi sahəsi 84 kv. m olan tövlədə yanğın baş verib. Nəticədə 2 baş iri buynuzlu və 8 baş xırda buynuzlu olmaqla, ümumilikdə 10 baş heyvan tüstüdən boğularaq tələf olub. Bununla bərabər tövlənin yanar konstruksiyaları və 6 ton ot yanıb.

 

Fövqəladə Hallar Nazirliyinin (FHN) Şəki Rayon Dövlət Yanğından Mühafizə Hissəsinin canlı qüvvəsi və texnikası hadisə yerinə cəlb edilib.

 

Yaxınlıqdakı tikililər yanğından mühafizə edilib.

 

Faktla bağlı araşdırma aparılır.

 

 

# 109
avatar

Oxşar yazılar