Tayvanda 6,2 ballıq zəlzələ

Tayvan adası yaxınlığında 6,2 bal gücündə zəlzələ baş verib.

APA-nın İTAR-TASS agentliyinə istinadən verdiyi xəbərə görə, yeraltı təkanların episentri Şərqi-Çin dənizində, Tayvan sahillərindən şimal-şərqdə, ocağı isə 250 km dərinlikdə olub.

Zəlzələni Yaponiyanın Okinava prefekturasına aid adaların sakinləri də hiss edib. Dağıntılar və xəsarət alanlar barədə məlumat yoxdur. Yaponiya seysmoloqlarının qənaətinə görə, sunami təhlükəsi yoxdur.