"Sxodka" dağıdıldı! Ded Xasanın qardaşı oğlu həbs edilib

Ötən gecə Rusiyanın Sverdlovsk vilayətinin Yekaterinburq şəhərində kafelərin birində kriminal aləmdə məşhur olan “qanuni oğru”ların yığıncağına polis basqın edib. Lent.az-ın anspress-ə istinadən verdiyi məlumata görə, Rusiyanın xüsusi təyinatlıları həmin ünvana gedib. Nəticədə atışma olub, bir neçə nəfər yaralanıb.

“Əməliyyat nəticəsində 1957-ci il təvəllüdlü gürcü Teymur Mirzoev saxlanılıb. O, kriminal aləmdə "Timur Tbiliski” ləqəbi ilə məşhurdur”, - deyə Sverdlovsk vilayətinin polis rəisi Valeri Qorelıx bildirib.

Saxlanılan Teymur Mirzoev kriminal aləmdə məşhur olan və bir müddət əvvəl qətlə yetirilmiş "Ded Xasan"ın qardaşı oğludur. Onunla birlikdə kriminal aləmdə tanınmış simalardan olan “Solomo” ləqəbli Vladimir Solomonnikov, “Leva” ləqəbli Levan Akoev, Nəsimi Qazməmmədov, Yuliy Şavilov və s. oğrular da saxlanılıb.