Sərxoş kişinin üzüyünü barmağından çıxardılar

Binəqədidə soyğunçuluq edən şəxs tutulub. Bakı şəhər Baş Polis İdarəsindən Leünt.az-a verilən məlumata görə, Binəqədi RPİ 40-cı PB əməkdaşlarının keçirdiyi əməliyyat-axtarış tədbirləri nəticəsində aprelin 7-də saat 01 radələrində Motodrom yeni yaşayış massivində Bakı şəhər sakini, əvvəllər məhkum olmuş, 1978-ci il təvəllüdlü Emin Həsənovun sərxoş vəziyyətindən yararlanaraq barmağında olan qızıl üzüyü, 230 manat pul və mobil telefonunu soyğunçuluq yolu ilə talamaqda şübhəli bilinən şəxs müəyyən edilib. Beləliklə, Quba rayon sakini, əvvəllər məhkum olunmuş 1969-cu il təvəllüdlü Vüqar Seyidağa oğlu Əliyev tutularaq istintaqa cəlb edilib.